Os catro días distribuiranse da seguinte
maneira:
Primeira xornada (9
de agosto ): Obtención de datos para crear o roteiro
Adicaremoslle o día a percorrer a zona na que se creará o roteiro para decidir o
trazado deste e os distintos puntos de interese a destacar nel. Tamén se
tomarán fotos, para seren despois, no caso de ser necesario, utilizadas na
confección dos carteis. Sairase da aldea de Imo.
Segunda xornada
(23 de agosto): Realización dos carteis e os folletos
Nesta xornada, que
se realizará no Salón de Actos de A Paxareira, elaboraranse as distintas
propostas para os carteis e os folletos do roteiro. Antes da confección das
propostas o experto en fotografía e o experto en deseño darán unha charla sobre
o deseño destes. Na mesma elixirase ó deseño final de carteis e folletos.
Terceira
xornada (13 de setembro): Plantación das árbores
Este día levarase
a cabo a plantación das árbores no lugar habilitado para o efecto. As especies
a plantar serán decididas previamente polos asistentes á actividade. Sairase da
aldea de Bexo.
Cuarta xornada (4 de outubro): Creación do roteiro
Na última xornada
instalaranse no seu sitio os carteis e demais indicadores do roteiro. Finalmente farase o roteiro a pé. Sairase de
Bexo ou Imo.
Como colofón
faremos, entre os participantes, unha posta en común na que se recolla, en
forma de enquisa, as opinións sobre a actividade e o roteiro creado.
Expedirase
xustificante de asistencia á actividade a quen o solicite.
Haberá que anotarse para participar ata o día 8 de agosto no correo: dodro_7xunio1836@hotmail.com
ou na conta de Facebook da
asociación
No hay comentarios:
Publicar un comentario